Конкурс акчалы иде

Алия Исрафилова, җырчы:

Иң беренче тиеннәремне кулыма гимназиядә укыганда алган идем. Мин ул чакта, «Татар кызы» конкурсында катнашып, җиңү яуладым. Төгәл ничә сум икәнен хәтерләмим, ләкин мәктәп укучысы өчен хәйран иде. Ул акчалар үземнең кирәк-яракка тотылгандыр инде. Ә эшләп алган беренче акчаларга килгәндә, студент вакытта, «Татарстан» дәүләт телерадиокомпаниясендә практика үткәндә түләгәннәр иде.