Әйткән сүз – аткан ук

Илсур МЕТШИН, Казан мэры:

– Хезмәт биржасында тәкъдим ителгән 10 мең сумга кем эшкә барсын!? Сау-сәламәт килеш, 10 меңгә ялланып буламы? Эш бирүчеләр бу хакта ни уйлый икән?

«Вечерняя Казань»

Виктор САДОВНИЧИЙ, Мәскәү дәүләт университеты ректоры:

– Нәкъ менә Иван IV Русия дәүләтчелегенең бер символы булып тора, ә аның хакимлек итү чоры Ватаныбыз тарихының алтын битләренә кереп калган.

«Орловские новости»

Васил ГАЙФУЛЛИН, Татарстанның элекке мәгариф министры һәм Татар Дәүләт гуманитар институты ректоры:

– БДИ мин министр булып эшләгән чорда булмады һәм мин үземне шуның белән бәхетле, дип саныйм. Шул балларга карап без институтларга студент алабыз. Үзен күрмибез. Килеп керәләр 1нче сентябрьдә, шаккатып утырасың: болар бит укытучы булырга бөтенләй әзер кеше түгел – сөйләшә белми, тотлыга, холыксыз, нервлы, кеше белән аралаша белми. Андыйлар да бар.

«Татар-информ»