Әйткән сүз – аткан ук

Васил ШӘЙХРАЗИЕВ, Татарстан Премьер-министры урынбасары:

– Татарстанда аерылышучылар саны артуын аңламыйм. Туйганчы «йөреп алдың» да, аннан соң өйләндең дә – гомерлеккә ярат!

«Реальное время»

Рифкать ӘХМӘТЬЯНОВ, филология фәннәре докторы, профессор:

– Минемчә, тагын 100 елдан соң татар теле юкка чыгачак. Бөтен дөнья, шул исәптән Русия дә, инглизчә аралашачак.

«Бизнес-Онлайн»

Владимир ЖИРИНОВСКИЙ, ЛДПР башлыгы:

– Илнең күп кенә шәһәрләрендә фатирлар буш тора: Магадан, Мурманск, моношәһәрләр. Без анда өлкәннәргә күченергә ярдәм итә алыр идек. Әйтик, пенсионер начар шартларда яши, ди. Аңа кайда торырга барыбер түгелме? Иң мөһиме – аерым фатиры, кибете булсын. Пенсионер эшләми бит һәм үз җирлегенә дә бик нык бәйләнмәгән.

«Флеш-Норд»