Менә сиңа татарча!

Минзәлә районы, Тырыш авылыннан газета укучыбыз Айсылу Гәрәева, хатка салып, «Чаллы икмәге»нең кабын җибәргән. Җитештерүчеләр татарча да язган, рәхмәт төшкерләре! Тик аларның «татарчасын» без аңламадык. Бәлки, сез аңларсыз, укып карагыз әле, шул килеш бирәбез: «Вакыт яраклылыклар: 3 тәүлек, бертигез температура янында саклаулар тәбәнәгрәк 6ºС аерым чыганаклардан көчле җылыту яки суындырунар. Ачунардан соңынтын төрүнәр продукцияне сакларга температура янында саклаулар тәбәнәгрәк 6ºС аерым чыганаклардан көчле җылыту яки суындырунар».

РЕДАКЦИЯДӘН. Мондый кызык та, кызганыч та күренешләр – адым саен. Сез дә шундый күренешләрне фотога төшереп, аны берничә җөмлә белән аңлатып язып, безгә юллагыз. Конверт тышына «Фотофакт» дип куярга онытмагыз! Иң кызыклы һәм гыйбрәтле фактларга редакциядән бүләк – телефонына 100 сум.