Кадер булган көн

Бу илдә кешенең кадере беркайчан булмаган инде ул. Тик менә 3-4 елга бер тапкыр, безнең кадер арткан бер көн була – бу сайлау көннәре. Минәйтәм, шул көннән файдаланып калсак та яхшы булыр иде. Әйдәгез, бу елның 4 мартын: «ТАТАРЧА СӨЙЛӘШҮ КӨНЕ» дип игълан итәбез. Иртәдән кичкә кадәр бары тик татарча гына сөйләшәбез. Сайлау участокларында да урысча җавап бирәләр, аңламыйлар икән – борыласың да чыгып китәсең. Бер сәүдә үзәгендә шактый суммага йорт җиһазлары алганда шулай иткән бар –татарча сөйләшүче сатучыны бик тиз таптылар. Кемне сайлыйсыз – анысы сезнең эш, тик менә шул бер көндә бөтенебез (беләме-белмиме дигәндәй) ТАТАРЧА ГЫНА сөйләшсә, туган телебезгә әзрәк файда булачагына шик юк.

Илфак ШИҺАПОВ.

Кадер булган көн , 5.0 out of 5 based on 2 ratings