Казан урамында – көймәдә

Казанда көймәдә йөрүчеләр күренә башлады. Шәһәрнең Левченко бистәсендә яшәүчеләр, юлларның начар булуына каршылык күрсәтү йөзеннән, чокыр-чакырлы урам уртасына кабартылган көймә алып чыгып, ике кеше шунда кереп утырган. Кулларына «Казан, оят! Юлларың – тәмуг» дигән язулар да тотканнар. Көймә утырган чокыр тулы су – юл уртасында түгел, ниндидер күлдә утыра диярсең. Хәер, көз җитеп, яңгырлар башланса, Левченко бистәсендә генә түгел, Казанның үзәк урамнарында да йөзеп йөри башлаячакбыз инде. Шулай булгач, көймә алып куйсаң да комачауламас.