Әйткән сүз – аткан ук

Рөстәм МИҢНЕХАНОВ, Татарстан Президенты (Кабан күле буйларын төзекләндерү өчен җаваплы шәһәр түрәләренә эндәшеп):

«Җәй узып бара, ә сезнең әле эш өчен документ та юк. Нишләп сез берни эшләмисез? Сүзем юк. Әлеге акчаны башка шәһәргә бирергә дә була иде. Әмма Казан – безнең башкала».

«Интертат»

Энгель ФӘТТАХОВ, Татарстанның мәгариф һәм фән министры:

«Балаларны 9нчы класстан соң 10нчыга алмаска беркемнең дә хакы юк, аларның белем дәрәҗәсе нинди генә булса да. Бу кануннарга сыешмый торган гамәл – кайбер мәгариф бүлекләре һәм мәктәп җитәкчеләренең башбаштаклыгы, дип бәялим. Барлык балалар да гомумбелем бирү мәктәпләрендә урыннар белән тәэмин ителергә тиеш – министрлыгыбызның принципиаль карашы шундый!»

«Бизнес-Онлайн»

Ксения СОБЧАК, телевидение йолдызы, алып-баручы:

«Әгәр дә кешеләрнең бу илдә, бу мохиттә яшиселәре килми икән, Иннополис, «Сколково», бетмәс-төкәнмәс институтлар төзүнең мәгънәсе юк».

«Сноб» журналы

Илнар хәзрәт ЗИННӘТУЛЛИН, «Туган авылым» мәчете имам-хатыйбы:

«Элек гөнаһка батып йөргән кешеләр абыстай булыр алдыннан бераз уйлансыннар иде. Абыстай итеп яшьлегендә бик каты гөнаһ кылмаган кешене сайларга тырышырга кирәк. Абыстай, мулла – үрнәк күрсәтүче. Кичә генә абыстай булган кеше, зурдан кубып, кеше өйрәтә башламасын иде.»

«Акчарлак»

Әйткән сүз – аткан ук, 4.0 out of 5 based on 1 rating