Мәхәббәт алмасы

14нче февраль көнне бөтен дөнья «Гашыйклар көне» дип шаулашачак. Бу уңайдан күп итеп акча эшләп калырга тырышучылар да бар. Мәсәлән, «Бәхетле» кибетләр челтәре сатуга «I love you» («Мин сине яратам») дип язылган кызыл алмалар чыгарды. «Бүләк алмалар»ның килосы – 456 сум (бер алма якынча 98 сумга чыга). Бу алмаларының башка кибетләрдә 80 сум тирәсе торган «туганнары»ннан бер аермасы да юк үзе, мөгаен, «мәхәббәтле» наклейкасы шулай кыйммәт йөри торгандыр…