Бер зоопарк булмады бу…

Казанда яңа зоопарк ачыла, дигән хәбәр берничә ел элек чыккан иде инде. Ел саен «ачалар», ачып кына бетерә алмыйлар. Бер зоопарк булмады инде ул! Менә-менә шушы көннәрдә ачылыр, дип көткәндә, «Замбези елгасы» дип аталган яңа зоопаркның диварына узган атна азагында «Мерседес» машинасы килеп керде. Юкса бина юлга терәлеп тә тормый инде, юл читеннән 5-6 метр эчтә урнашкан. Бик чибәр килеп кергән машина: үз «борынын» гына җимереп калмаган, диварны да ваткан. Шулай булгач, зоопаркны ачу тагын кичектерелсә, бер дә аптырамыйбыз.