ТӘРТИПле КАЛЕБ

«Тәртип» радиосы 10 яшьлеге уңаеннан, концертлар циклын дәвам итә. Соңгысы, аның туган көнендә язын узды һәм ул зур бәйрәм булып, тамашачыларның күңелләренә хуш килде. Үткән белән көткән арасында күпер салучы радио буларак, чираттагы концертны «Тәртипле калеб» дип исемләделәр. Калеб – ул күңел! Һәркайсыбыз күңелеңдә тәртип булганда гына кеше бәхетле була, диләр радиода. Тәртип радиосына гына түгел, аның белән бергә үскән һәм яшьләр өчен мәйдан булган «Калеб» тапшыруына да 10 ел икән инде. Һәм чираттагы концерт әнә шушы юбилейга да багышлана. 10 ел эчендә радиоэфирдан ишетеп, яратып өлгергән талантлы яшьләребезне бер сәхнәгә җыеп, тәртипле киләчәкнең нинди буласын сезгә дә күрсәтергә булдык, диләр әлеге бәйрәмне оештыручылар.
«Тәртип» радиосы оештырган мондый бәйрәмнәрнең үзенчәлеге шунда: сәхнә генә түгел, фойе да гөрләп тора – тамашага килүчеләрне гармун моңы каршы ала, халык уеннарда катнаша, җырлый, бии, аралаша-таныша.
Концертның яшь үзенчәлеге чикләнмәгән, 3 сәгатьлек концерт-тамаша 22нче августта «Чулпан» мәдәният үзәгендә 19 сәгатьтә башлана.