Студентлар байый

Русия Мәгариф һәм фән министрлыгында киләсе уку елында студентларга түләнә торган стипендияләр күләмен атадылар. Югары уку йортында иң кечкенә стипендия күләме – 1755 сум, көллият һәм техникумда 638 сум булачак. Социаль стипендия дә арта: югары уку йортында – 2634 сум, ә урта һөнәри белем бирү учреждениеләрендә 958 сум акча түләнеләчәк, дип хәбәр итә «Реальное время».