Гаилә өчен

Киләсе елдан Татарстанда «Гаилә абонементы» эшли башлаячак. Әлеге абонемент, гаилә белән бердәм билет алып, берьюлы берничә мәдәният оешмасына барырга мөмкинлек бирәчәк. Моның өчен махсус маршрутлар төзеләчәк. «Гаилә абонементы»ның бер маршрутын Татарстанның Милли музее һәм Камал театры төзеде. Ул «Тукай һәм театр» дип атада. Экскурсия Тукай музеенда башланып, Камал театрында төгәлләнәчәк, башкаладагы әдип белән бәйле урыннарны колачлаячак. Бөтен программага бер билет аласы була.