Алданган фатирчылар

Казандагы «Салават күпере» торак комплексында фатир көтүчеләр чираттагы тапкыр чатырлар корып унынчы төнен урамда кунды. Алар Миңнеханов белән Путинга ышаныч бетү, ләкин ахыргача көрәшәчәкләре, мәхкәмәгә кадәр барып җитәчәкләре хакында сөйли. Узган ел да нәкъ шушы урында бер ай дәвамында каршылык күрсәткәннәр иде. Ләкин түрәләрнең вәгъдәләре буш сүз булып чыкты. Йортта төзелеш һаман да тәмамланмаган.