Түләүләр үзгәрә?

Киләсе елның 1нче февраленнән Русиядә кайбер категория гражданнар өчен социаль түләүләр индексацияләнергә мөмкин. Норматив актлар порталында бастырылган документта язылганча, индексацияләү сугыш һәм хезмәт ветераннарына, инвалидларга һәм чернобыльчеләргә, шулай ук кеше җирләү чыгымнарына бирелә торган түләүләргә кагылачак, дип хәбәр итә «Татар-информ». Ә эшсезлек буенча пособие былтыргы кебек кала. Аның күләме – 850 сумнан 4900 сумга кадәр.