ТАТАРСТАНДА МӨФТИ САЙЛАУ ВАКЫЙГАСЫ РУСИЯ БАШ ПРОКУРАТУРАСЫНА ШИКАЯТЬ ИТЕЛДЕ

Татарстанның элекке мөфтие, хәзер “Нурулла” мәчете имамы Габдулла хәзрәт Галиулла Русия баш прокуроры Юрий Чайкадан Татарстан мөселманнары диния нәзарәте пленумының карарларын үтәүне туктатуны үтенә. Габдулла хәзрәт белдерүенчә, 13 мартта кабул ителгән карарлар назәрәт уставын боза. Аерым алганда шикаятьтә, мөфти вазифаларын башкаручы Илдус Фәиз үзенең урынбасары белән бергә назәрәт идарәсен җыеп, кануный булмаган юл белән, үзләренең вәкаләтләрен арттырып, Татарстан мөфтиен сайлауда кандидатлар тәкъдим итү юлын билгеләде, диелә.