Казанда – кыш

7нче декабрьдә Кремль яр буенда кышкы сезон ачылды. Биредә хаски-парк, Европада иң озын шугалак һәм Яңа ел ярминкәсе эшли. Анда фермерлар җитештергән продукция, тәм-томнар һәм сувенирлар тәкъдим ителгән. Кремль яр буенда үткәрелә торган Яңа ел ярминкәсе Русиянең иң кызыклы һәм популяр Яңа ел һәм Раштуа фестивальләре һәм ярминкәләре арасында дүртенче урынны алган.