Алтын бәдрәф

Татарстанда 14 миллион сумлык бәдрәф төзергә җыеналар. Яр буе паркы мәйданында бәдрәф төзетү өчен Чаллы башкарма комитеты 14 миллион сумнан артык акча сарыф итәргә ниятли. Бу хакта дәүләт сатып алулары сайтында да мәгълүмат бар. Аукционда җиңеп чыккан оешма берьюлы 22 кеше файдалана алырлык бәдрәф төзетергә тиеш булачак. Бәдрәфне ел азагына кадәр куллануга тапшырырга җыеналар.