Телевизор «алган»

Чаллы кешесе бушлай игъланнар сайтында телевизор сатып алырга булган һәм 100 мең сум акчасыннан колак каккан, дип яза «Челнинские известия». 37 яшьлек ир-ат сатучы белән элемтәгә кергән. Сатучы телевизор хакын алдан түләргә кушкан. Тиешле акчаны күчергәч, ирнең банк картасыннан 107 мең сум акчасы юкка чыккан. Полиция ялган сатучының Мәскәүдән торып эш итүен ачыклаган.