“Бәләкәч”ләргә бакча булырмы?

“Бәләкәч” программасы үтәлеше куркыныч астына куела, балалар бакчаларын төзү тоткарлана. Бары тик Арчада гына эш көйле бара. Биектау, Балык Бистәсе районнарында һәм Казандагы 16 объектның 11ендә төзелеш темплары канәгатьләнерлек түгел. Финанслау буенча кыенлыклар бар, дип белдерә Татарстанның төзелеш, архитектура һәм торак коммуналь хуҗалыгы министры Ирек Фәйзуллин. “Бәләкәч” программасы нигезендә төзеләсе балалар бакчалары 31 октябрьгә тапшырылырга тиеш.