- 13.12.2012
- Автор: Илфат Фәйзрахманов
- Выпуск: 2012, №49 (12 декабрь)
- Рубрика: Тормыш сулышы
Русия Федераль салым хезмәтенең Татарстан Республикасы буенча идарәсе (соңрак идарә) телефон мошенниклыгының яңа төрле фактлары күзәтелүен хәбәр итә: мошенниклар гражданнарның телефоннарына Идарә хезмәткәрләре исеменнән шалтырата, я булмаса интернетка яки башка массакүләм матбугат чараларында, радио һәм телевидениедә чыгыш ясап, үзләренең тәрҗемәче я репетитор эзләүләрен, Идарә җитәкчелеге белән чит ил делегациясе очрашулары өчен җаваплы булуларын белдереп, Идарә тәрҗемәчесе авыру булу сәбәпле, ярдәм итүне үтенәләр. Эшләү вакыты күрсәтелә: чираттагы көнне сәгать 11 дән 17 сәгатькә кадәр, тариф – сәгатенә 2000 сум.
Эш көнендә чакырылган тәрҗемәчеләргә Идарә машинасының кинәт кенә ватылуы сәбәпле, такси чакырыла, һәм таксида, я пассажир транспортында барганда (такси хезмәте түләнмәгән очракта, йә чакырылган тәрҗемәче студентлар яки югары уку йортын тәмамлаучылар юл хакын үзләре түлисе булгач, ул хезмәттән баш тарткан очракта) аларның телефонына Идарә вәкиле шалтыратып, үзе өлгерә алмау сәбәпле, я булмаса Идарә бинасы янәшәсендә банкомат, түләү терминаллары булмауны сәбәп итеп, чит ил делегациясенең ике телефон номерына акча салуын үтенә (бөтен очракта да бер номерга – 3000 сум).
Чакырылган студент-тәрҗемәчеләрнең Идарәгә билгеле булган 6 очрагының икесендә генә күрсәтелгән номерларга акча салына, икесендә дә – 6000 сум – икесенә дә әлеге факт буенча Русия эчке эшләр бүлегенә мөрәҗәгать итәргә тәкъдим ителде.
Тәрҗемәче хезмәтен башкарырга дип Идарәгә килгән барлык кызларга да бу күрсәтелгән көннәрдә Идарәнең һәм түбән торган салым инспекцияләренең бернинди чит ил делегацияләрен кабул итмәүләре, әлеге билгесез затларның шундый юл белән алдаулары, законлы булмаган «бүләк» алу максатыннан эшләүләре аңлатылды.
Федераль салым хезмәтенең Татарстан Республикасы буенча идарәсе кисәтә: мошенниклык вариантлары шулкадәр күптөрле, аларның бөтенесен сурәтләп бетереп тә, һәр очракка карата төгәл күрсәтмә биреп тә булмый. Гражданнарга карата шундый һәм моңа охшаш мошенниклык төрләрен кисәтү максатыннан ачыклыйбыз: Идарә һәм башка салым органнарында үтә торган чаралар турында мәгълүматлар Идарәнең интернет-сайтында урнаштырыла, шулай ук бу хакта Идарәнең түбәндәге телефоннарына шалтыратып белеп була:
– салым түләүчеләр белән эшләү бүлеге 8(843)235-13-70, 8(843)235-13-67;
– канцелярия – 8(843)235-11-14; 8(843)235-11-06;
Әгәр сезне Идарәгә җитәкчелек исеменнән чакыралар икән, шушы номерларга шалтыратып, Идарә җитәкчеләренең һәм аның урынбасарларының кабул итү бүлекләренең телефон номерларын да белә аласыз.
РФ салым хезмәтенең ТР буенча идарәсе.
Комментарии