Пенсияңне алдан бел

Русия Хезмәт һәм социаль яклау министрлыгы булачак пенсия күләме хакында алдан ук мәгълүмат бирә башлаячак. Министр Антон Котяков шул хактагы боерыкны имзалады. 40 яше тулган хатын-кызлар һәм 45 яшен тутырган ирләр булачак пенсияләренең иминият өлешен «Госуслуги» сайтыннан карап белә алачак. Мәгълүмат өч елга бер тапкыр яңартылып торачак. Карар 2022нче елның 1нче гыйнварыннан үз көченә керә.