Кыйммәткә төшә

Татарстан Республикасының Архив эше буенча дәүләт комитеты рәисе Гөлнара Габдрахманова тулы бер авылның шәҗәрәсен төзү якынча ничә сумга төшәчәген әйтте. 50 йорт өчен проектның уртача бәясе – 350 мең сум. Торак пунктларда шәҗәрә төзегәндә үткәрелгән тикшеренүләр авыл турында кызыклы мәгълүматлар ачыкларга мөмкинлек бирә. Болар – никахлашучыларның иң яше һәм карты, авылның иң борынгы кешесе, үлем, аерылышу сәбәпләре.