Акча бирелә

Русия Президенты Владимир Путин «Ленинградны саклаган өчен» медале яки «Камалыштагы Ленинградта яшәүчегә» билгесе белән бүләкләнгән кешеләргә бер тапкыр 50 мең сум күләмендә акча түләү турындагы Указга кул куйган. Чыгымнарны Хөкүмәт күтәрәчәк. Акчаны Русия, Латвия, Литва, Эстония, Абхазия, Көньяк Осетия һәм Днестр буенда даими яшәүче «блокадник»ларга бирәчәкләр, дип яза «Российская газета».