Театрга сәяхәт

Бу елның 20нче гыйнварыннан Галиәсгар Камал исемендәге Татар дәүләт академия театры буенча ачык бушлай экскурсияләр үткәрелә башлый. Татарстанның халык артисты Луара Шакирҗанова кунакларны төп һәм кече сәхнә, сәхнә арты, Галиәсгар Камал мемориаль кабинеты, тарихи күргәзмә һәм картиналар галереясы белән таныштырачак, аларны грим, тегү цехларына алып барачак. Экскурсия 60 минут дәвам итә.