Алтынны бирмиләр

Дөньякүләм допингка каршы агентлык (WADA) фигуралы шуу остасы Камилә Вәлиеваны, допингка каршы кагыйдәләрне бозган өчен, дүрт елга дисквалификацияләүне һәм Олимпиада алтынын кире алуны таләп иткән. Дисквалификация Спорт арбитраж суды карары үз көченә кергән көннән исәпләнергә тиеш. 2022нче елда Пекинда узган Олимпия уеннарында Камилә Вәлиева илкүләм команда составында җиңүче булган иде, бүләкләү тантанасы Вәлиеваның эшен тикшерү тәмамланганчы кичектереп торылды.