Машина бирәләр?

Яшь гаиләләргә Русиядә җитештерелгән машина алу өчен бер миллион сумлык сертификат бирә башларга мөмкиннәр. Тиешле закон проекты Дәүләт Думасына кертелгән. Сертификатка ия булу өчен ир һәм хатын 35 яшьтән яшьрәк булырга тиеш. Сертификатка беренче баласы туган гаиләләр исәп тота алачак. Гаиләнең кереме елына 3 миллион сумнан да югары булмау шарты да бар. Аларның берсе генә булса да Русия гражданины булырга һәм даими рәвештә Русия территориясендә яшәргә тиеш.