Кызыксындырулар бар

Казанның мәктәп ашханәләрендә хезмәт куючы пешекчеләр күпләп эштән киткән. Шәһәрнең азык-төлек һәм социаль туклану департаментында да эш урыннары бушаган. Моның төп сәбәбе – хезмәткәрләрнең олы яшьтә булуы һәм алар өстенә артык күп эш йөкләнү, дип хәбәр итә «Российская газета». Хәзер пешекчеләрне кызыксындыру өчен 2 мең сум өстәмә түләүләр каралган. Моннан тыш, «дустыңны китер» акциясе дә эшли. Хезмәткәр тагын бер эшче алып килсә, хезмәт хакына өстәп, бер тапкыр түләнә торган 10 мең сум акча биреләчәк.