Рөхсәтсез салсаң

Почта тартмаларына рөхсәтсез реклама кәгазьләре салып китүчеләрне штраф көтә. Гади кешеләр 2 – 5,5 мең сум, вазыйфаи затлар 4 – 20 мең сум, юридик затлар 100 – 500 мең сум акча түләячәк. Дәүләт Думасының Төзелеш һәм торак-коммуналь хуҗалык комитеты әгъзалары фикеренчә, реклама кәгазьләре тирә-юньне чүпли, алар арасында мөһим документлар, шул исәптән ТКХ өчен түләү кәгазьләре югала.