Сәер мәхәббәт

Лена белән без хастаханәдә, табибка чиратта утырганда танышып киттек. Яшьтәшем сыман кыз янында кечкенә кызчыкның бөтерелүе бик гаҗәпләндерде мине. Үзем үлеп балалар яраткач, шул кызчыкның уйнавына сокланып каравымны сизгәч, Лена үзе беренче сүз башлады. Лена белән без, чыннан да, яшьтәшләр булып чыктык, аңа да, нәкъ миңа кебек үк 21 яшь кенә икән әле. Сүз арты сүз чыгып, ул үзенең тормышы турында сөйләп китте.