Дәвамлы эш булсын

2014нче елның 5нче октябрендә Буа районы Адав-Толымбай авылында табигатьне саклау буенча «Урман утырту көне» үтте. Бу акцияне башлап йөрүчеләр – Раил һәм Фәрит Садриевлар. Биредә Буа муниципаль районы җитәкчесе Азат Айзетуллов, Татарстан Республикасының Урман хуҗалыгы министрлыгыннан Нияз Тазмеев, «Буалес» ГБУ директоры Хәйдәр Хәбибуллин, Адав-Толымбай авылы халкы, Буа дәүләт драма театры коллективы бик теләп катнаштылар. 350 миләш, юкә агачлары утыртылды. Бу әле мәртәбәле эшнең беренче этабы гына. Киләчәктә ике гектар мәйданда – «Якты күл» утравында – агачлар утырту күздә тотыла.