Ютазы районы авылларында дини эчтәлектәге спектакльләр куя башладылар. Тамашада мәктәп укучылары да, урта һәм олы буын вәкилләре дә актив катнаша; сәхнә әсәрләрен дин һәм шәригать кануннарын үзәккә куеп үзләре иҗат итәләр. Спектакльләрдә мөселманча исем кушу, яшәү рәвеше, бала һәм ана мөнәсәбәте, гаилә төзү кебек көнүзәк мәсьәләләр күрсәтелә, дип хәбәр итә Мөслим имам-мөхтәсибе һәм көньяк-көнбатыш регион казые Марат хәзрәт Мәрданшин. Бәйгедә җиңеп чыгучылар 18 февральдә район үзәгендә чыгыш ясаячак. Ә март аенда Баулы, Бөгелмә, Лениногорск, Норлат, Чирмешән һәм Ютазы районнары үзешчәннәре берләшеп, бәйгенең чираттагы баскычында көч сынашачак.
200